Proiektuak - Aukera 2022

Komando marmitako

Sinopsia

Komando marmitako zertzelada dramatikoak dituen egoera-komedia bat da. Freskoa da, bizizalea, belaunaldi anitzekoa, espiritu irekikoa, eta familia guztietan aurki daitezkeen pertsonaia inperfektuak erakusten ditu.

Alba González

(Basauri, 1997) Ikus-entzunezko Komunikazioan lizentziaduna, Mondragon Unibertsitatean. Graduko lau urteetan, Entsalada film laburrean soinu teknikari moduan eta Tua film laburra (Aitor Arregiren tutoretzapean), non script eta zuzendari laguntzaile lanetan ibili zen. Huhezinema jaialdiaren 13. edizioan antolaketa-taldeko kidea izan zen.

Ane Nafarrete

(Gasteiz, 1998) Ikus-entzunezko Komunikazioan lizentziaduna, Mondragon Unibertsitatean. Graduko lau urteetan, Tua film laburra (Aitor Arregiren tutoretzapean), non gidoilari eta zuzendari lanetan ibili zen eta Huhezinema jaialdiko MU sailean fikzio onenaren saria lortu zuen.

Irati Rodríguez

(Hernani, 1997) Ikus-entzunezko Komunikazioan lizentziaduna, Mondragon Unibertsitatean. Graduko lau urteetan, Tua film laburra (Aitor Arregiren tutoretzapean), non arte eta janzkera lanetan ibili zen. Tua film laburrak Huhezinema jaialdiko MU sailean fikzio onenaren saria lortu zuen.

Mercedes del Ama

(Donostia, 1997) Ikus entzunezko Komunikazioan lizentziaduna, Mondragon Unibertsitatean. 2020an Garabiderekin (Euskal Herria) eta Ruk ́u ́x eskola sarearekin (Guatemala) batera, Maia biziberritze prozesuan parte hartu zuten “Rab’inal Achí” deituriko animaziozko film laburra sortuz. “Rab’inal Achí” film laburra Donostiako zine sozial eta kultura askeko zinemaldian estreinatu zuten, ONGS sailean.

Uxue Botas

(Andoain, 1998) Ikus-entzunezko Komunikazioan graduatua Mondragon Unibertsitatean. Graduko lau urteetan egindako hainbat lan azpimarratu daitezke: Tua film laburra (Aitor Arregiren tutoretzapean), non zuzendari eta edizio lanetan ibili zen. Film labur honek Huhezinema jaialdiko MU sailean fikzio onenaren saria lortu zuen.